حاسس انى عاوز ارجّع
(عنوان مقتبس من مقالة للاستاذ محمد عباس )
كل واحد اصبح رأيه لا يأتيه الباطل من بين يديه وافكار مش عارف طلعت ازاى من غير عقول
التمسك بالرأى حتى اخر نفس هذه هى انجازات ثورتنا على الصعيد الفكرى
اما على الصعيد الجوانى حتلاقى الاخوان بقوا هم النظام السابق مستبدين وفاسدين والسلفين متخلفين والعلمانين مشركى قريش وكفر كفر يا عم الحج
تخيل لما تلاقى كوكتيل من ما سبق امامك على تويتر وفى خلال دقيقة واحدة لازم تشربه وتقراه اكيد حتحس انك عاوز ترجّع
ماحدش عاوز يسمع ويقتنع ما فيش حد ناوى يستمع لغيره بحيادية لأ ان لم تقتنع بفكرتى يابلكك يا مش حاتبعك
لو قلت حصل فى الشرق يقولك يولع الغرب وشمال وجنوب اما الشرق ده ماعرفوش ماسمعتوش ما شفتهوش... طيب ليه تشتت فكرتى !!!
نتكلم عن قضية يدخلوك فى متاهة ولا تخرج من المتاهة الا بعاهة مستديمة فى رأيك
مش حطول واخش فى الموضوع اللى جابلى وجع فى الضلوع
الناس الان اشكال والوان فيه الابيض والاسود ده حتى فيه البمبى والتركواز وطبعا لازم تحدد اللون قبل ماتخش فى الموضوع طيب انا واحد كنت عاوز مجلس مدنى علشان عندى اسبابى كفرونى وبهدلونى وانا بقيت ضد الاستقرار والشرعية ورأى الاغلبية اللى هم مابيؤمنوش به للاسف..ازاى يا ترى اهو ده اللى جرىز الاخوان يتبنوا رأى الشورى وهو من امرهم شورى بينهم يعنى نسمع اراء الناس العالمة ونختار الرأى الراجح
طيب واذا كان رأى الاغلبية مش صح بس حايفدنا يا عم يبقى خلينا فى رأى الاغلبية وطز فى الارجحية والشورى
نرجع من مناقشة الخيال وخلينا فى الامر المحال تنفيذه اتفقت الاغلبية على ان تكون الانتخابات فى شهر 9 ومش عارف هل ده كان فى الاستفتاء ولا انا باحلم واتفقت الاغلبية على الدستور بعد الانتخابات
طيب دلوقتى بتغنوا بالاستقرار والشاطر يطلع برة بيته والارهاب والبلطجية حيخربوا بيته ايه اللى حققوا المجلس المصون يكونشى قصدكم غسيل الصحون ولا القمح المطحون اتلهوا على عنيكم لو كان لكم عيون
المجلس بشهادة الجميع واطى ومتواطئ طيب ليه نستنى عليه علشان فاكرين انكم كاسبين ؟؟ نفسى تكسبوا فى يوم من 80 سنة والنظام بيلاعبكم ومش فاهمين اكبر عدو لمجلس ديكتاتور هو صوت الديمقراطية الحقيقية وماليش دعوة بمنافقين الاعلام انا ماعنديش غير شوية كلام وبقولهم لوجه الله.
ليست هناك تعليقات:
إرسال تعليق